Ամեն մարդ չի կանա խմի` իմ ջուրն ո՛ւրիշ ջրեն է.
Ամեն մարդ չի կանա կարդա` իմ գիրն ո՛ւրիշ գրեն է.
Բունիաթս ավազ չիմանաս, քարափ է, քարուկրեն է.
Սելավի պես առանց ցամքիլ, դուն շուտով խարաբ մի՛ անի:

թարգմանություն

Ամեն մարդ չի կարող խմել` իմ ջուրը ո՛ւրիշ ջրեն է.
Ամեն մարդ չի կարող կարդալ` իմ գիրը ո՛ւրիշ գրեն է.
Հիմքս ավազից չիմանաս, քա՛րափ է, քա՛րուկրեն է.
Չցամաքող հեղեղի պես, դու իսկույն ավեր մի՛ անի:

Աստված սիրե, հոգի սիրե, յար սիրե․․․

Գիր սիրե, ղալամ (գրիչ) սիրե, դավթար (մատյան) սիրե․․․

Աղքատ սիրե, ղոնաղ (հյուր) սիրե, տար (օտար) սիրե․․․․

Ով քիզի լիղի պարգիվե, դուն տուր շաքար, Սայա՛թ-Նովա,

Ղաստ արա շուշեդ չկոտրին, չխփին քար, Սայա՛թ-Նովա․․․

թարգմանություն

Ով քեզ դառնություն պարգևի, դու տուր շաքար, Սայա՛թ-Նովա,

Ջանա՝ ապակիդ չկոտրեն, չխփեն քար, Սայա՛թ-Նովա։

Թեգուզ իմանաս, գիդենաս աստղիրու համբարքն սիրուն.
Անբարի գուրձն կորած է` կա՛րդա Հարանց վարքն սիրուն.
Ավիտարանի խոսքիրն մարգարիտ է, կարգն` սիրուն.
Մի՛ ածի խուզի առջիվն լալ ու գոհար, Սա՛յաթ-Նովա:

թարգմանություն

Թեկուզ իմանաս, գիտենաս աստղերի համրանքը սիրուն.
Ոչ բարի գործը կորած է` կարդա Հարանց վարքը* սիրուն.
Ավետարանի խոսքերը մարգարիտ են, կարգը` սիրուն.
Մի՛ լցնիր խոզի առջևը լալ ու գոհար, Սա՛յաթ-Նովա:

Հարանց վարք - սրբերի կյանքի մասին պատմող ժողովածու: