Երևան
26.Սեպտեմբեր.2018թ.,
00
:
00
Փոխարժեք՝
$,
,
ՀՀԿ-ն շնորհավորում է՝ կծելովԾախսերն արել է սեփական գրպանիցՄեկնարկել է հանրապետական փուլըԸնդունել է ՀՀ առաջին փոխվարչապետըԹիրախային երեխաների համար՝ սպորտլանդիա«APPLE»-ը գնեց «SHAZAM»-ըՀրաժարվել է Էրդողանի հետ ճաշկերույթին մասնակցելուցԵրևանյան ընտրությունները գնահատվել են արդարՀաջորդ նիստը՝ ՀայաստանումՍպառնո՞ւմ են Հայաստանին
Վարչապետ Նիկոլ Փաշինյանի ելույթը ՄԱԿ-ում Հակակարկտային ցանցերի արտադրություն Վանաձորում Վշտից խելագարվածները ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին

Գտնվեց տնակային ավանների հանգուցալուծման հանգույցները

Երկրաշարժից հետո Վանաձորում ձեւավորվեց 6 տնակային ավան, որտեղ ի սկզբանե ապրում էին 11 քանդված եւ տասնյակներով քանդման ենթակա շենքերի բնակիչները: Տարիների հետ նրանք բնակարան ստացան՝ պահպանելով տնակներն ու գրանցումը կամ վաճառեցին այլ անձանց, եւ տնակների թիվն այս տարիների ընթացքում այդպես էլ չնվազեց՝ Վանաձորում թողնելով երկրաշարժի շունչը: Այժմ երկրաշարժի պատճառով անօթեւան դարձած ընտանիք տնակում չի ապրում: Ժամանակին վարձակալությամբ կամ այլ բնակավայրերից Վանաձորում հաստատվածներն են տնակներում: Նրանց բնակարաններով ապահովելու եւ քաղաքը տնակներից ազատելու նախաձեռնությունը հանձն է առել «Ով, եթե ոչ մենք» 3 երիտասարդներից բաղկացած խումբը. «5 տարի առաջ «Նաիրի» տնակային ավանում հաջողություն ունեցանք, տնակի հողամասը սեփականաշնորհելով՝ մի քանի ընտանիք սեփական տան տեր դարձավ: Հիմա ուսումնասիրել ու հասկացել ենք, որ գրեթե բոլոր տնակային ավաններում հնարավոր է նույն գործընթացն իրականացնել, բացի Սանկտպետերբուրգյան ավանի գետակողմյան մասի: Այնտեղ նպատակահարմար չէ տներ կառուցել, եւ այդ տարածքն արդեն իսկ նախատեսված է այգու համար»:

Նախաձեռնող խումբը հարցը բարձրացրեց ավագանու նիստում, ավագանին հավանություն տվեց հանձնաժողով ստեղծել ու ուսումնասիրել տարիներով անտեսված խնդիրը: Տնակային ավանների 600 ընտանիք եւ հանրակացարանների 140 անօթեւանները շունչները պահած սպասում էին հանձնաժողովի եւ փաստահավաք խմբի աշխատանքներին: Ուսումնասիրությունից պարզվել է, որ տնակային ավանի 340 ընտանիքի հարց է մնում անլուծելի: Մնացած ընտանիքները ցանկություն են հայտնել հողհատկացումից օգտվել եւ բնակարան կառուցել: Դեռեւս լուծում չի գտնվել հանրակացարանների բնակիչների համար, որոնց 9 տարի առաջ բռնի տեղափոխել են տնակային ավաններից՝ հողը վաճառել, տեղում էլիտար շենք, բարեգործական կենտրոն եւ այլ կազմակերպությունների համար շենք-շինություններ կառուցել:

Անընդհատ նշվող դիտարկմանը, թե քաղաքային իշխանությունները պարտավորություն չունեն տնակային ավաններում բնակվողների համար, նախաձեռնող խմբի անդամ Գեւորգ Քոթանջյանը հակադարձում է. «Նախկին գործարանային ցուցակներում հերթագրվածները պահանջատեր են: Գործարաններից պետք է ստանային, իսկ գործարան լուծարողը եղել է պետությունը, բնականաբար պարտավորությունը անցել է պետությանը: Իրենց համար կառուցած բնակարանները հետագայում տրվել են երկրաշարժից տուժածներին, փախստականներին եւ այլ բնակարանի կարիք ունեցողներին: Մարդասիրական քայլի պատճառով մնացել են անօթեւան»:

Փաստահավաք խումբը բազմաթիվ խախտումներ է արձանագրել՝ փակ դռներ, որոնք որպես օժանդակ կառույց են օգտագործվում՝ հավանոց, փետանոց:

Բնակիչն ունենալով մի քանի տղա՝ յուրաքանչյուր տղայի համար մի տնակ է գնել, որպեսզի հետագայում բնակարան ստանա: Տնակային ավանի բնակիչների համար «Արդա» եւ «Ֆուլլեր» տնաշինական կազմակերպությունները «Տարոն 3» թաղամասում 7 տարվա ընթացքում 51 սեփական տուն են կառուցել եւ 32 բնակարանով կիսակառուցը ավարտին հասցրել: Տնակային ավանի հետ կապ չունեցող քաղաքացիներն են տնակի տեր դարձել կամ տարիներով հանրապետությունից դուրս մարդը, եկել տնակում մի մահճակալ է դրել, տպավորություն ստեղծել, թե իբր բնակվում է. «Համայնքը թույլատրություն է տվել տնակային ավանի հողամասը վաճառել եւ օգտագործել որպես հանրային տարածք, «Վիոլա» ընկերությունը համայնքապատկան տարածքում ջրատար եւ կոյուղիներ է կառուցել, որը բարդացնում է հողերի սեփականանաշնորհման գործընթացը՝ արդեն փոքր մակերեսով հողը դժվար է բաժանել այնպես, որ հետագայում բնակարան կառուցելու հնարավորություն լինի», -ասում է Արբակ Սարգսյանը:

Տարբեր տնակային ավաններից տեղեկություն է ստացվել, թե բազմաթիվ տնակներ բնակեցված չեն՝ ընտանիքի հիմնական մասը դուրս է եկել հանրապետությունից, բայց տնակի հաշվին նպաստ է ստանում, խնդիրը բարձրաձայնելուց հետո բողոքներ են ստացել ընտանեկան նպասից զրկված 30 ընտանիքից: Անգամ սեփականություն ունեցող, մայրաքաղաքում աշխատանքով ու բնակարանով ապահովված քաղաքացիներն են այդ տարբերակից օգտվել: «Այն գումարները, որ տարիներով օգտվել են ապահովվածները, դրանով հնարավոր էր մի քանի բազմաբնակարան շենք կառուցել եւ հիմա չէինք ունենա տնակային ավանի խնդիրը: Նախորդ իշխանությունների ստեղծած համակարգը հանցագործ եւ հնարամիտ կողոպտիչ էր դարձնում բնակչին, որն ապահովված լինելով՝ դեռ կարող էր պետությունից գումար ստանալ՝ 10 հազար դոլարանոց մեքենա վարելով, որն իհարկե իր անունով չէ: Ու եթե նման կարողությամբ անձը ձգտում է եւս 20 դրամ նպաստ ստանալ, այդ մարդու ձեռքը նոր իշխանությունները պետք է բռնեն՝ հնարավորություն տալով 30 տարի տնակում բնակվող բնակչին կարգավիճակի փոփոխություն ունենալ»:

Փաստահավաք խմբին տնակային ավանի բնակիչները կամ շատ լավ են ընդունում, կամ հակառակը. «Երբ մտնում ես տնակ եւ շատ լավ հարդարված մի տիկին է նստած, ջանք չի խնայում համոզել, որ արդեն 30 տարի իր կյանքը մաշել է տնակում, մեզ համար պարզ է դառնում, որ նա այդտեղ չի բնակվում, բնականաբար նա մեզ լավ ընդունել չի կարող : Իսկ իրականում 30 տարի տնակում ապրած բնակչի համար, որ նույնիսկ իր կարգավիճակը չգիտի, նրա համար մենք սպասված այցելու ենք»:

30 տարի խնդիրն անտեսող քաղաքային իշխանություններն այսօր, ի զարմանս բնակիչների, 4 կետ են մշակել, որ կրկին բնակարանի կարիք ունեցողների շարքերում չընդգրկվեն երբեւէ բնակարան կամ ԲԳՎ ստացած ընտանիքները: Առաջարկում են սկզբունքներ մշակել բնակչին բնակտարածքով ապահովելու եւ քաղաքը տնակներից մաքրելու համար: Վանաձորի քաղաքապետարանը Բուլղարական, Նաիրի, Մանրաթելի եւ Թեւոսյան տնակային ավանների համար կդիմի կառավարություն, նախ հողը համայնքին հանձնելու, իսկ բնակչին հատկացնելուց հետո համապատասխան միջոցներ կխնդրեն բնակարանաշինության բեռը թեթեւացնելու համար:

Նելլի ԴԱՎԹՅԱՆ

Ընկան… «լիկվիդ» ՀՀԿ-ն շնորհավորում է՝ կծելով Բուհերը նաև գիտահետազոտական կենտրոններ Ծախսերն արել է սեփական գրպանից Մեկնարկել է հանրապետական փուլը Ընդունել է ՀՀ առաջին փոխվարչապետը Թիրախային երեխաների համար՝ սպորտլանդիա Սեթ Գմփոյանի ագարակում (73) «APPLE»-ը գնեց «SHAZAM»-ը Հրաժարվել է Էրդողանի հետ ճաշկերույթին մասնակցելուց Կայացել է փոստային վճարման պետնշանների հարցերով խորհրդի նիստը Երևանյան ընտրությունները գնահատվել են արդար Ձայների քանակը տոկոսի հետ շփոթածները Հաջորդ նիստը՝ Հայաստանում Սպառնո՞ւմ են Հայաստանին Ինչ իմանա՜ս, մեկ էլ տեսար էս էլ եղավ «Արմենիան»՝ Հայաստան-ԱՄՆ մերձեցման օղակ 48-ից՝ 32 Երևանը քվեարկեց հօգուտ հեղափոխության շարունակականության Ինչու են նոր iPhone-ներն այդքան թանկ Բացահայտվել են ապօրինի գործող ակումբներ Սկզբում առյուծ կտրեց, հետո կատու դարձավ ՖԻՖԱ-ի վարկածով «Աշխարհ-2018»-ը Վարչապետ Նիկոլ Փաշինյանի ելույթը ՄԱԿ-ում «Քոչարյանը մարդկանց սպանություն է կազմակերպել» Ով է լինելու մեր հավաքականի գլխավորը Մխտռվա՜ծ, մխտռվա՜ծ առվակներ (ամբողջական) Հակակարկտային ցանցերի արտադրություն Վանաձորում ՀՀԿ-ն բողոքարկելու է Սովորենք ճիշտը Ընդունել է Համաշխարհային բանկի պատվիրակությանը Սեթ Գմփոյանի ագարակում (72) Ովքեր կստանան մանդատ Վշտից խելագարվածները Հայաստանը՝ «ֆանտաստիկ» օրինակ Գուտերեշի համար Ինչո՞ւ օրակարգում չկա Փաշինյան-Թրամփ հանդիպում Ընտրությունից մեկ օր անց. դիտորդական խմբի արձանագրումները Հոբելյանական նամականիշի մարում Մասնակի փոխհատուցվել է վնասը` 48,5 մլն. ՀՀ դրամ Մոտավորապես հայտնի է Աշունը եկավ՝ ճտերը հաշվեցին Ջախջախիչ հաղթանակը, չարաբաստիկ գազելներն ու Զեյնալյանի կենացը «Սա ջախջախիչ հաղթանակ էր» «Բարգավաճ Հայաստանը» շնորհավորել է «Իմ քայլը» դաշինքին Մնացինք երկրի երբեմնի ղեկավարներին սպասելով 27 տարվա «անցում» ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին «Պարի Սեն Ժերմենն» անկասելի է Բա, իհարկե, թանկ է Ռոնալդուն Հայկ Պետրոսյանի հումորային երգը՝ նվիրված քաղաքապետի ընտրություններին