Երևան
26.Սեպտեմբեր.2018թ.,
00
:
00
Փոխարժեք՝
$,
,
ՀՀԿ-ն շնորհավորում է՝ կծելովԾախսերն արել է սեփական գրպանիցՄեկնարկել է հանրապետական փուլըԸնդունել է ՀՀ առաջին փոխվարչապետըԹիրախային երեխաների համար՝ սպորտլանդիա«APPLE»-ը գնեց «SHAZAM»-ըՀրաժարվել է Էրդողանի հետ ճաշկերույթին մասնակցելուցԵրևանյան ընտրությունները գնահատվել են արդարՀաջորդ նիստը՝ ՀայաստանումՍպառնո՞ւմ են Հայաստանին
Վարչապետ Նիկոլ Փաշինյանի ելույթը ՄԱԿ-ում Հակակարկտային ցանցերի արտադրություն Վանաձորում Վշտից խելագարվածները ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին

«Թավշյա բում», «թավշյա աժիոտաժ»

Հետևե՛ք մեզ Facebook-ում սեղմեք հավանել և միշտ ստացեք թարմացումները

Ժողովուրդ ջան, չե՞ս նկատել, որ էս հեղափոխությունից հետո երկրում շատ զարմանալի բաներ են կատարվում: Խնդրե՛մ: Արժույթի միջազգային հիմնադրամի, Համաշխարհային բանկի մասնագետները, Նոբելյան մրցանակի դափնեկիր ահագին տնտեսագետներ գլուխ են ջարդում, բայց այդպես էլ չեն հասկանում, թե էդ ո՞նց է, որ Հայաստանի էլիտար, թանկանոց խանութներում սենց էրկու միլիարդանոց աժիոտաժ է, բայց շուրջը մի հատ ճո՜խ հարսանիք չկա, մի հատ ծնունդ, մի հատ կնունք չկա՝ նախկին բարձրաստիճան անձանց քավորությամբ սանիկի վիզը գցելիք էրկու կիլո իրեք հարյուր գրամանոց խաչով: Հակառա՛կը, ժամանակին արդեն արած իրենց էն ճոխ հարսանիքների՜ց են անգամ անողները հրաժարվում: Իսկ երբ ասում ես, բայց փա՛ստ կա ախր, ինտերնետ գցած ճոխ ռեպորտաժ կա, ֆի՜լմ, երբեմն էլ՝ սերիա՜լ՝ ձեր արած էդ հարսանիքի «մոտիվներով», էդ ժամանակ էլ եթեր տվողներն են ցույց տվածից կտրուկ հրաժարվում:

Մի խոսքով՝ նման աննմա՜ն, աննախադե՜պ առևտուր է երկրում, բայց, հակառակ էն ժամանակների, ոչ մի ճոխ «միջոցառում», ոչ մի «ֆուռոր» չկա, քաղաքը լրիվ պապանձվել է, ոչ մի ալիքով մի հատ կարգի՜ն, մի հատ բազմասերիանոց հարսանիք չկա, տո եթե կուզեք`անգամ թաղում չկա, որ դիտենք մենք էլ դինջանանք:

Մի ժամանակ հարսանիքի համար ռեստորանում մի տարի առաջ էին հերթ պահում, հիմա ռեստորաններն իրենք են ընկած հարսանիք փնտրում` անգամ «հարսն իրենցից» «գտա՜ծ» տարբերակով, բայց էլի՛ ուզող չկա: Ու ա՛յ այստեղ պարզվեց, որ այս երևույթը վերլուծելու կոչված հիշյալ տնտեսագետ-մընտեսագետները, մեզ հետ համեմատած, «ժողի» լիկվիդ ընկած ուսանողներ են, քանզի իրենք չգտան պատասխանը, իսկ մենք գտանք, խնդրե՛մ:

Բանն այն է, որ այստեղ պետք է իրարից երկու բան տարանջատել: Առաջին` քաղաքում տիրող աժիոտաժային ու աննախադեպ էս առևտուրը և, երկրորդ, հարսանիքների, ծնունդ-կնունքների շատ տարօրինակ բացակայությունը: Վերլուծում-դիտարկումները ցույց են տալիս, որ առևտուր անողները լրիվ ուրի՛շ պերսոններ ու պերսոնաժներ են, իսկ հարսանիք, ծնունդ-կնունք չանողները՝ լրիվ ուրի՛շ:

Առևտուրն անում են գործի նո՛ր նշանակվածները, հարսանիք չեն անում գործի հի՛ն նշանակվածները՝ կամ, այսինքն, գործից արդեն հանվածները, կամ էս է, էս է՝ գործից հանվելիքները: Առաջինները՝ նորանշանակնե՛րը, մինչև էսօր հե՜չ միջոց չունեին ու հետն էլ մոտակա հազար տարում միջոց ունենալու հույս ու հեռանկա՛ր չունեին, որ առևտուր անեին, ապրանք առնեին, իսկ հիմա համ միջոց ունեն, համ հեռանկարում էդ միջոցը բազմացնելու հույս, ուստի առնո՜ւմ են: Ի՜նչ տեսան, առնում են, քանզի ինչ տեսնում, հղի կնոջ պես սրտները քաշում է: Առնում են ու էս «բումն», էս «աժիոտաժը» մեր խանութներում իրենք էլ հենց սադրում են: Ախր մեղք չունեն, ախր բանից պարզվում է՝ իրենք հե՜չ բան չեն ունեցել, ո՞նց չառնեն. ծակ ու քորքոտած նասկո՞վ գնան, բանակցություն վարեն… Բա որ ոտը, դիվանագետին վայել, հանկարծ գցեց ոտին, ու էդ պապու գուլպան տակից աչքո՞վ արեց բանակցության եկած է՛ն՝ դիմացի կողմին… Ախր էդպես քանի՜ ինվեստիցայից ու վարկից երկիրը կզրկվի… Ըստ այդմ, ժողովուրդ ջան, «թավշյա» հեղափոխությանը հաջորդած մեր խանութներում տիրող այսօրվա «բումն» ու այսօրվա «աժիոտաժը» եկ անվանենք «թավշյա բում» ու «թավշյա աժիոտաժ», մանավանդ որ իրենք այսօր հենց միայն թավիշ կամ թավշից թանկ ապրանք են խանութներից առնում:

Ինչ վերաբերում է երկրո՛րդ կատեգորիային՝ հարսանիք, ծնունդ, կնունք չանողների՛ն, ապա, արդեն ասինք, դրանք հներն են, վախենում են անեն, որ հանկարծ իրենց չասեն՝ «ի՞նչ միջոցներով» ու «որտեղի՞ց»: Իսկ ասող բերան որքան ուզես կա; Որ չլինի էլ` հարազատ ԱԱԾ-ն հո՞ կա ու կա: Ճիշտ է, իրենց արդեն կամ գործից հանել են, կամ էս է՝ ուր որ է կհանեն, բայց բա որ գան, իրենց էդքան ժամանակ վաստակածն էլ տանե՞ն… Ավելի լավ չէ՞, խելոք էսպես վեր ընկնեն տեղերը, ձեռքը քարի տակ աղքատ ձևանան, մինչև որ տեսնեն, թե գլխներին ուրիշ ի՛նչ է գալիս: Սրանում միայն մի վտանգ կա. էրեխեքը էդպես անկնքել են մնում, ու էրեխեքը էդպես լրիվ… «տունն են մնում»…

Բայց մյուս կողմից էլ՝վիճակն էսպես օդում կախված թողնելն էլ արդեն վտանգավոր է, ուստի առաջարկում եմ, որ նորանշանակ ու «ռոտացիայի» ենթարկված պաշտոնյաները նստեն մի սեղանի շուրջ ու «չհարձակվելու պայմանագիր» կնքեն՝«պա՛կտ», իրենց «ստատուս քվոն» առայժմ պահպանեն, մինչև էն խեղճ էրեխեքը կնքվեն, պսակվեն, ու մինչև նորանշանակ պաշտոնյաները երկրի խանութներն ընենց դատարկեն, որ ապրանքներից մնան միայն Նիկոլի առաջարկած էն հեղինակների «անգին» գրքերը, որ օրերս նախարարների դեմն էր դրվել կառավարության նիստին, ու կարծեմ առաջին փոխվարչապետն էլ սպառնացել էր դրանք կարդալ: Այ հենց դրա համար էի, է՜, ասում՝ Նիկո՜լ, մի՜ մատնիր, Նիկո՜լ, որ դրանք «անգին» են. ախր հենց նորանշանակնե՛րդ են այսօրվա լավագույն գնորդները. տեսան՝«անգին» է, ա՜-ռը՛ հա կառնեն: Իրանք միայն թանկանո՜ց բան պտի առնեն: Բա հեղափոխությունը ինչի՞ արեցին…

Գևորգ ՍՏԵՓԱՆՅԱՆ

Ընկան… «լիկվիդ» ՀՀԿ-ն շնորհավորում է՝ կծելով Բուհերը նաև գիտահետազոտական կենտրոններ Ծախսերն արել է սեփական գրպանից Մեկնարկել է հանրապետական փուլը Ընդունել է ՀՀ առաջին փոխվարչապետը Թիրախային երեխաների համար՝ սպորտլանդիա Սեթ Գմփոյանի ագարակում (73) «APPLE»-ը գնեց «SHAZAM»-ը Հրաժարվել է Էրդողանի հետ ճաշկերույթին մասնակցելուց Կայացել է փոստային վճարման պետնշանների հարցերով խորհրդի նիստը Երևանյան ընտրությունները գնահատվել են արդար Ձայների քանակը տոկոսի հետ շփոթածները Հաջորդ նիստը՝ Հայաստանում Սպառնո՞ւմ են Հայաստանին Ինչ իմանա՜ս, մեկ էլ տեսար էս էլ եղավ «Արմենիան»՝ Հայաստան-ԱՄՆ մերձեցման օղակ 48-ից՝ 32 Երևանը քվեարկեց հօգուտ հեղափոխության շարունակականության Ինչու են նոր iPhone-ներն այդքան թանկ Բացահայտվել են ապօրինի գործող ակումբներ Սկզբում առյուծ կտրեց, հետո կատու դարձավ ՖԻՖԱ-ի վարկածով «Աշխարհ-2018»-ը Վարչապետ Նիկոլ Փաշինյանի ելույթը ՄԱԿ-ում «Քոչարյանը մարդկանց սպանություն է կազմակերպել» Ով է լինելու մեր հավաքականի գլխավորը Մխտռվա՜ծ, մխտռվա՜ծ առվակներ (ամբողջական) Հակակարկտային ցանցերի արտադրություն Վանաձորում ՀՀԿ-ն բողոքարկելու է Սովորենք ճիշտը Ընդունել է Համաշխարհային բանկի պատվիրակությանը Սեթ Գմփոյանի ագարակում (72) Ովքեր կստանան մանդատ Վշտից խելագարվածները Հայաստանը՝ «ֆանտաստիկ» օրինակ Գուտերեշի համար Ինչո՞ւ օրակարգում չկա Փաշինյան-Թրամփ հանդիպում Ընտրությունից մեկ օր անց. դիտորդական խմբի արձանագրումները Հոբելյանական նամականիշի մարում Մասնակի փոխհատուցվել է վնասը` 48,5 մլն. ՀՀ դրամ Մոտավորապես հայտնի է Աշունը եկավ՝ ճտերը հաշվեցին Ջախջախիչ հաղթանակը, չարաբաստիկ գազելներն ու Զեյնալյանի կենացը «Սա ջախջախիչ հաղթանակ էր» «Բարգավաճ Հայաստանը» շնորհավորել է «Իմ քայլը» դաշինքին Մնացինք երկրի երբեմնի ղեկավարներին սպասելով 27 տարվա «անցում» ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին «Պարի Սեն Ժերմենն» անկասելի է Բա, իհարկե, թանկ է Ռոնալդուն Հայկ Պետրոսյանի հումորային երգը՝ նվիրված քաղաքապետի ընտրություններին