Երևան
26.Սեպտեմբեր.2018թ.,
00
:
00
Փոխարժեք՝
$,
,
ՀՀԿ-ն շնորհավորում է՝ կծելովԾախսերն արել է սեփական գրպանիցՄեկնարկել է հանրապետական փուլըԸնդունել է ՀՀ առաջին փոխվարչապետըԹիրախային երեխաների համար՝ սպորտլանդիա«APPLE»-ը գնեց «SHAZAM»-ըՀրաժարվել է Էրդողանի հետ ճաշկերույթին մասնակցելուցԵրևանյան ընտրությունները գնահատվել են արդարՀաջորդ նիստը՝ ՀայաստանումՍպառնո՞ւմ են Հայաստանին
Վարչապետ Նիկոլ Փաշինյանի ելույթը ՄԱԿ-ում Հակակարկտային ցանցերի արտադրություն Վանաձորում Վշտից խելագարվածները ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին

Ամենայն հայոց Նեմեցը

Հետևե՛ք մեզ Facebook-ում սեղմեք հավանել և միշտ ստացեք թարմացումները

Անձս այս նվաստ
Վերնագրում հիշատակված բացառիկը հայկական ֆուտբոլի «հույս ու աստված», տիեզերական մեծության մեգաաստղ Ռուբեն Հայրապետյանն է, ու կրակն էլ էն է, որ նույնը հավասարապես կարող են պնդել ու հավասարապես չսխալվել նրան թե՛ լավ, թե՛ վատ իմացողները՝ անկախ հասարակության որ շերտին պատկանելու իրողությունից:

Սակայն, մինչ նրա մարզական գործունեությանն անդրադառնալը, սկսենք շատ ավելի էական բնութագրականից՝ հիմք ընդունելով նրան շնորհված մականունը: Ժողովուրդը նրան «պատվում» է Նեմեց մականունով, թեպետ, եթե անկեղծ, կործանվի նման պատվում-մեծարումը, որի տակ ֆաշիստ արյունախումների հիշատակումը կա: Սակայն սա ավելի շատ հարցի զգայական կողմն է, ուստի այն չնկատելու պես անցնենք,քանզի դիմացը ներկայացնելիք ահագին բան կա:

Անկախ Հայաստանի պատմության մեջ մեր ավանաբնակ Նեմեցը, ֆուտբոլը հանած, այնքան էլ անհիշարժան գործերով չի ներկայանում: Դրանցում և՛ արյուն կա, և՛ ուրիշի ունեցվածքը կրակի տալու պատմություն, և՛ մարդկանց առևանգում ու խոշտանգում, և՛ սանձարձակության բազմաթիվ դրսևորումներ, և՛ կոռուպցիոն սկանդալային պատմություններ, սակայն այդ ամենը հաջողությամբ շրջանցվել է օրենքի կուրության, Նեմեց Ռուբո-իշխանական բուրգ ազդեցիկ կապերի միջոցով ու շնորհիվ: Այդ նույն իշխանական բուրգն իր այս հավատավոր ծառային մեկ անգամ չէ, որ փուռը տալու բեկումով, թե ահաբեկումով պահանջված տոնուսի մեջ է պահել վերևից իջեցվող աստվածային զորության հրահանգներն անառարկ, խոնարհ կատարելու համար, սակայն ծառաս այս նվաստ երբեք իր նվիրվածությանը կասկածելու տեղիք չի էլ տվել,ինչի հաշվին էլ հաջողությամբ սպրդել է կլանի քինախնդրությունից:

Հարկավ կասկած չկա, որ հեղափոխության անսանձ սամումի կողմից եթե քաղաքացիական պահանջ լինի, Ռուբեն Հայրապետյանի անձի վրա հուզախռով ողբ ու կական կկապեն ՀՀ քրեական օրենսգրքի բազմաթիվ հոդվածներ, սակայն քանի դեռ քաղաքացիական պահանջի քաղաքական հրահանգը չկա, մարդն այս առաջին կուսության անմեղության մեջ է, որը ներկա փուլում առավելապես դրսևորվում է հայկական ֆուտբոլի ճակատագրի նկատմամբ ունեցած ազնիվ տվայտանքների մեջ ու ևս մեկ բանի, որի ուղղությամբ, ըստ մեր ունեցած տվյալների, ակտիվորեն աշխատում է ամեն տեսակի կապերից սանձազերծված հայրենի ԱԱԾ-ն:

Սակայն իրավիճակի ողջ լրջություն-ողբերգականություն-զավեշտն այն է, որ եթե հասարակության ստվար զանգվածը խորապես համոզված է՝ ՀՀ ֆուտբոլի ֆեդերացիայի նախագահ Ռուբեն Հայրապետյանը վերջնականապես կործանում է հայկական ֆուտբոլը, ապա այդ նույն ՀՀ ֆուտբոլի ֆեդերացիայի նախագահ Ռուբեն Հայրապետյանն ավելի քան համոզված է, որ, ի հեճուկս հայկական ֆուտբոլի մայրամուտը տեսնողների, ինքը լծված է հայկական ֆուտբոլը ծաղկեցնելու սուրբ գործին:

Ոսկե միջինի որոնումներում
Այս երկու իրար բացասող պնդումների խաչմերուկում էլ պիտի փորձել գտնել ոսկի միջինը, սակայն ամբողջ հարցն այն է, որ նեմեցռուբոյական իշխանության տարիներին մենք ակումբային ֆուտբոլի մակարդակով ոչ միայն եվրոպական ֆուտբոլում հաջողություններ չենք արձանագրում (ազգային ընտրանու մակարդակով խոսակցությունը բոլորովին այլ հարթության թեմա է, ուստի եկեք այն չխառնենք սրան, թեպետ այնտեղ էլ պակաս կործանարար գործընթացներ չեն), այլև սահուն վայրէջք ենք ապրում մեր իսկ հանրապետության ներսում, ու երեսի զոռով ութ ակումբով խաղարկվող առաջնությունը ժամանակ առ ժամանակ կանգնում է ավելի պակաս թվով առաջնություն լինելու վտանգի առաջ:

«Շիրակ» ակումբի հետ կապված սուտն ու սխալը թողնենք դրանցից առավել մեղավորի ուսերին, բայց դա բանի նմա՞ն է, որ գյումրեցիները մի Նեմեց Ռուբոյի պատճառով բոյկոտում են առաջնությունը, ինչպես բանի նման չէ, երբ մի ակումբի պատճառով արատավորվում է ֆեդերացիայի նախագահի ավելի քան պայծառ, ես անգամ կասեի լուսե անունը (բոլոր դեպքերում չմոռանանք անմեղության կանխավարկածը): Իհարկե, կլինեն մարդիկ, ովքեր նախադասության մեջ օգտագործված պայծառ բառի (էլ ու՜ր մնաց լուսե-ի) հիշատակման հետ համամիտ չեն լինի, կուզենային, որ այն առնվազն չակերտների մեջ առնված լիներ, բայց այդ ե՞րբ է իրականության ընկալումը մեզ մոտ միանշանակ եղել, որ հիմա լինի, այն էլ այսպիսի աղավաղված իրականությունը:

Թե ինչու Ռուբեն Հայրապետյանը ՀՀ ֆուտբոլի ֆեդերացիայի ժողովը (ի միջի այլոց, լրիվ հնարավոր է, որ մենք կառույցի անվանումը սխալ ենք հիշատակում, սակայն ո՛չ դրա սխալից, ո՛չ էլ ճշտից բան չի փոխվում) տարավ սևանյան «Հարսնաքար», դրանում կոմերցիոն գաղտնիք չպիտի տեսնել, երեխայավարի դնել ու գրել, թե կլիենտուրայի պակաս ուներ հարազատ օբյեկտն ու շեֆն այսկերպ ծակեր էր փակում: Ոչ: Հարազատ կուսակցության օրինակով, իսկ Նեմեց Ռուբոն ծաղկում ու բարգավաճում է Հայաստանի հանրապետական կուսակցության ներսում, ահա այդ կուսակցության օրինակով նա իր համար (այո, այո՝ իր) կենսական կարևորության ժողովը գումարեց Երևան քաղաքից դուրս՝ հնարավորինս հեռու հետաքրքրասեր աչքերից: Թե ի՞նչ էր ուզում այդկերպ թաքցնել կամ ծածկադմփոց սարքել Ռուբեն Հայրապետյանը, տեղեկանում ենք Նարեկ Մկրտչյանից, որն այդ մասին բավականին մանրամասն խոսում է «Ժամանակ» օրարթերթում տպագրված, 3-ը հուլիսի, 2018 թվագրությամբ «Ռուբեն Հայրապետյանի կեղծարարության նոր փաստեր. բոյկոտ ՀՖՖ նախագահին» վերտառությունն ունեցող հոդվածում:

Պետք է եղել կեղծել` կեղծել են
Ի՞նչ է կատարվել այդ ժողովում: Կատարվել է այն, ինչն ապրելակերպ ու հավատավոր գործելակերպ է եղել Ռուբեն Հայրապետյան մարդ-քաղաքացու ողջ գիտակցական կյանքում: ՈՒ հետաքրքիրն այն է, որ այս մարդն ամեն ինչում նախանձելի զգուշավորությամբ, միջնորդավորված է գործում: Իսկ գործիքներ Ռուբեն Հայրապետյանը միշտ էլ ունեցել է ու մեկ տասնյակը չէ, որ ունեցել է: Այս անգամ ակտիվ դերակատարությունը վերապահված է եղել ՀՖՖ գործադիր տնօրեն Արմեն Մինասյանին, որն ակնհայտորեն ծույլիկ աշակերտի գիտելիքներ է հանդես բերել թվաբանությունից, քանի որ չի կարողացել զանազանել 24 ու 17 թվերը՝ 24-ը նրա ու նրա շեֆի հաշվարկայինն է եղել, ու սա այն դեպքում, երբ քվեարկությանը մասնակցել է 17-ը: Մեծագույն ցանկության դեպքում 1-ն ու 7-ը չես կարող շփոթել 2-ի ու 4-ի հետ, քանի որ դրանք միանգամայն տարբեր գծագրական պատկեր ունեն, բայց Նեմեց Ռուբոյի ու նրա գործակատարի շատ պե՞տքն են նման մանրամասները: Նրանց պետք է եղել կեղծել՝ կեղծել են, իսկ կարմիր կովից պահանջել կաշին փոխել նույնն է, թե բանդերլոգից պահանջես վարվեցողության կանոններ սովորել:

Բեսպրեդելի արքան
Հասկանալի է, որ բոլոր հնարավոր ու անհնար ճանապարհներով, բոլոր հնարավոր ու անհնար միջոցներով Հայաստանի ֆուտբոլի ֆեդերացիայի առաջիկայում սպասվելիք ընտրություններում Ռուբեն Հայրապետյանը գնալու է վերարտադրության, ու վերը հիշատակված տակտիկական բնույթի կեղծիքները դրա նախապատրաստմանն են ուղղված: Գործկոմի կազմում այս մանր-մունր տեղաշարժերը նույնքան մանր-մունր մարդկանց միջոցով այդ նպատակն են հետապնդում: Ռուբեն Հայրապետյանն ուզում է ասել, որ երկրում փոխված իրավիճակը բնավ էլ իր տանձին չէ, ինչպես որ ապրել ու գործել է, այդպես էլ շարունակելու է ապրել ու գործել:

Գիտե՞ք, եթե վերջնահաշվում նա լինի հաղթողը, հավատացնում եմ Ձեզ, որ ես ինքս առաջինը կողջունեմ նրան, քանզի եթե մի երկրում բեսպրեդելը սեփական ճշմարտացիությունը հաստատելու ձև է, ու դա հաստատում ես հնարավոր ու անհնար բոլոր միջոցներով, ուրեմն դու դրա լիակատար իրավունքն ունես, ու հենց ճիշտը դու ես: Այս դեպքում հասարակությանը մնում է մի բան՝ ծնկաչոք գնալ նրա (ու առհասարակ նրանց) ոտքերը՝ հայկական ֆուտբոլի համար խնդրելով օր ու արև: Մա՜րդ է, կարող է էդ օրը հաջող ոտքի վրա արթնացած լինի ու իր տիեզերական բարձրությունից նման մի հրովարտակ արձակի՝ չէ՞ որ այս կյանքում ամեն կարգի հրաշք էլ լինում է: Հենց թեկուզ Հայաստանին պատուհասած այս վերջին հրաշքն ասածի ավելի քան իրեղեն ապացույցը չէ՞:

 

Մարտին ՀՈՒՐԻԽԱՆՅԱՆ

Ընկան… «լիկվիդ» ՀՀԿ-ն շնորհավորում է՝ կծելով Բուհերը նաև գիտահետազոտական կենտրոններ Ծախսերն արել է սեփական գրպանից Մեկնարկել է հանրապետական փուլը Ընդունել է ՀՀ առաջին փոխվարչապետը Թիրախային երեխաների համար՝ սպորտլանդիա Սեթ Գմփոյանի ագարակում (73) «APPLE»-ը գնեց «SHAZAM»-ը Հրաժարվել է Էրդողանի հետ ճաշկերույթին մասնակցելուց Կայացել է փոստային վճարման պետնշանների հարցերով խորհրդի նիստը Երևանյան ընտրությունները գնահատվել են արդար Ձայների քանակը տոկոսի հետ շփոթածները Հաջորդ նիստը՝ Հայաստանում Սպառնո՞ւմ են Հայաստանին Ինչ իմանա՜ս, մեկ էլ տեսար էս էլ եղավ «Արմենիան»՝ Հայաստան-ԱՄՆ մերձեցման օղակ 48-ից՝ 32 Երևանը քվեարկեց հօգուտ հեղափոխության շարունակականության Ինչու են նոր iPhone-ներն այդքան թանկ Բացահայտվել են ապօրինի գործող ակումբներ Սկզբում առյուծ կտրեց, հետո կատու դարձավ ՖԻՖԱ-ի վարկածով «Աշխարհ-2018»-ը Վարչապետ Նիկոլ Փաշինյանի ելույթը ՄԱԿ-ում «Քոչարյանը մարդկանց սպանություն է կազմակերպել» Ով է լինելու մեր հավաքականի գլխավորը Մխտռվա՜ծ, մխտռվա՜ծ առվակներ (ամբողջական) Հակակարկտային ցանցերի արտադրություն Վանաձորում ՀՀԿ-ն բողոքարկելու է Սովորենք ճիշտը Ընդունել է Համաշխարհային բանկի պատվիրակությանը Սեթ Գմփոյանի ագարակում (72) Ովքեր կստանան մանդատ Վշտից խելագարվածները Հայաստանը՝ «ֆանտաստիկ» օրինակ Գուտերեշի համար Ինչո՞ւ օրակարգում չկա Փաշինյան-Թրամփ հանդիպում Ընտրությունից մեկ օր անց. դիտորդական խմբի արձանագրումները Հոբելյանական նամականիշի մարում Մասնակի փոխհատուցվել է վնասը` 48,5 մլն. ՀՀ դրամ Մոտավորապես հայտնի է Աշունը եկավ՝ ճտերը հաշվեցին Ջախջախիչ հաղթանակը, չարաբաստիկ գազելներն ու Զեյնալյանի կենացը «Սա ջախջախիչ հաղթանակ էր» «Բարգավաճ Հայաստանը» շնորհավորել է «Իմ քայլը» դաշինքին Մնացինք երկրի երբեմնի ղեկավարներին սպասելով 27 տարվա «անցում» ՀՀ քաղաքացիները քվեարկեցին հեղափոխության, արտահերթ խորհրդարանական ընտրությունների, ժողովրդի իշխանության, ազատ և երջանիկ Հայաստանի օգտին «Պարի Սեն Ժերմենն» անկասելի է Բա, իհարկե, թանկ է Ռոնալդուն Հայկ Պետրոսյանի հումորային երգը՝ նվիրված քաղաքապետի ընտրություններին